У першай малодшай групе № 1 ДУА «Дзіцячы сад № 3 г. Слоніма» прайшоў займальны занятак па фарміраванні элементарных матэматычных уяўленняў. У гульнявой форме «Гуляем з Курачкай Рабай» выхаванцы замацоўвалі веды пра геаметрычныя фігуры — круг і авал. Дзеці вучыліся распазнаваць іх, параўноўваць і знаходзіць падабенства ў прадметах навакольнага свету.
Занятак прайшоў у цёплай і добразычлівай атмасферы: кожнае заданне выклікала цікавасць і жаданне дзейнічаць. Маленькія ўдзельнікі з ахвотай дапамагалі казачнай гераіні, дэманструючы сваю ўважлівасць і кемлівасць. Праз гульню дзеці не толькі засвойваюць новыя веды, але і развіваюць мысленне, маўленне і ўменне працаваць разам.
